(( حصل )) ( سيد أحمد الحردلو )

• يا جَنَا .. أبداً جَرَالَكْ أمرْ مِن هَذَا القبيلْ ،
  
  
• إنك مسافر فى بلاد بره .. وزول عابر سبيلْ
  
  
• تلقاك بنية حليوة .. زى موية السبيلْ ،
  
  
• والدنيا حرْ ..
  
  
• والجوف عليلْ ،
  
  
• تنده عليكْ
  
  
• يا ماشى زى الغابة .. يا زولْ .. يا جميلْ
  
  
• وَقفْ .. وهاكنى معاكْ .. وسافِرْ .. يا جميلْ ،
  
  
• - أيوه حَصَلْ ،
  
  
• بس المطرْ كان قاجى .. والليل كان جميلْ
  
  
• والبندقية .. جزيرة الطِليان ..
  
  
• يمين . . مليانة شيلْ
  
  
• والبحرِ رايقْ .. والمزاجْ . .
  
  
• والجيب تقيلْ ،
  
  
• وشربنا . . ناماً شُفنا ايطاليا مدنقرة فى المحيطْ،
  
  
• وتقول ياليلْ
  
  
• ويمين – حلفنا – نعومْ .. وكان الكيفْ تقيلْ
  
  
• والواطة ليلْ ،
  
  
• يا زول حَصَلْ .. زى ما حَصَل . .
  
  
• ما الدنيا ليلْ
  
  
• والزول مسافرْ
  
  
• والطلايناتْ ديكْ . . يا ليلْ ،
  
  
• أيوه حَصَلْ
  
  
• . . . بَس المطر كان قاجى .. والليل كان جميلْ
  
  
• البندقية –مارس –1975
  
  

• قصيده (( أدبي )))
  
  
• قصيده (( حصل ))
  
  
• قصيده (( منام عشان حبيبي ))
  
  
• قصيده ((( هروب )))
  
  
• قصيده أجيك عاشق مسافر ليل
  
  
• قصيده إعترافات عاشق في الأسر
  
  
• قصيده إهانات مسببة
  
  
• قصيده الماضي والمضارع
  
  

• قصيده بغداد ..!!
  
  
• قصيده بكائية على بحر القلزم
  
  
• قصيده تقول لِى شنو !
  
  
• قصيده دائماً في الزحام
  
  
• قصيده رغم ذلك!
  
  
• قصيده سندباد في بلاد السجم والرماد
  
  
• قصيده سيد البلاد
  
  

• قصيده كبير الدراويش نام