قصائدسيد أحمد الحردلو



(( حصل ))
سيد أحمد الحردلو



  • يا جَنَا .. أبداً جَرَالَكْ أمرْ مِن هَذَا القبيلْ ،

  • إنك مسافر فى بلاد بره .. وزول عابر سبيلْ

  • تلقاك بنية حليوة .. زى موية السبيلْ ،

  • والدنيا حرْ ..

  • والجوف عليلْ ،

  • تنده عليكْ

  • يا ماشى زى الغابة .. يا زولْ .. يا جميلْ

  • وَقفْ .. وهاكنى معاكْ .. وسافِرْ .. يا جميلْ ،

  • - أيوه حَصَلْ ،

  • بس المطرْ كان قاجى .. والليل كان جميلْ

  • والبندقية .. جزيرة الطِليان ..

  • يمين . . مليانة شيلْ

  • والبحرِ رايقْ .. والمزاجْ . .

  • والجيب تقيلْ ،

  • وشربنا . . ناماً شُفنا ايطاليا مدنقرة فى المحيطْ،

  • وتقول ياليلْ

  • ويمين – حلفنا – نعومْ .. وكان الكيفْ تقيلْ

  • والواطة ليلْ ،

  • يا زول حَصَلْ .. زى ما حَصَل . .

  • ما الدنيا ليلْ

  • والزول مسافرْ

  • والطلايناتْ ديكْ . . يا ليلْ ،

  • أيوه حَصَلْ

  • . . . بَس المطر كان قاجى .. والليل كان جميلْ

  • البندقية –مارس –1975



أعمال أخرى سيد أحمد الحردلو



المزيد...

العصور الأدبيه

اخطر 20 صورة سيلفي في العالم

اخطر 20 صورة سيلفي في العالم



ماذا يجب أن تعرف عند شراء شقتك؟