قصائدفهد عافت

مريم
فهد عافت

• مريم وتضحك يرق الما ويصفالي زماني
  
  
• والمكان يطيب والرمان يتكدّس هنيا
  
  
• قلت رحلتنا تبي سكر وترنيمة أغاني
  
  
• جاوبت هات الأغاني وأترك السكر عليا
  
  
• من شفايفها صباح الخير شكل وطعم ثاني
  
  
• آه لو تدري وش اتسوي صباح الخير فيا
  
  
• تاخذ الما من يديه توصله شط الأماني
  
  
• واهنيي كل مامريم خذتني من يديا
  
  
• أذكر أول ماتلاقينا تسمّرت بمكاني
  
  
• حاولت عيني تشوف الدرب مير القلب عيا
  
  
• الحلا فيها من أقصاها ولا للزين داني
  
  
• كل مافيها خلقه الله من طلعة محيا
  
  
• كل ماعز الطلب عندي وقالت لي عشاني
  
  
• كلت من هذي قبل هذي وجابتني حميا
  
  
• قبلها ماطاعت اقدامي طريق الا عصاني
  
  
• بعدها ماظل حلم أخضر بصدري ماتهيا
  
  
• دخيلك دخيلك لاتصلح غلطتك هذا الخطا غالي
  
  
• رفضت انك تجيبه من عرفتك لين هو جابك
  
  
• ومدام ان الزعل مثل الرضا يبقيك في بالي
  
  
• انا مزعل ولاارضى منك انا ازعل عنك وارضابك
  
  
• هلابك يالخطا ضيف عزيز يكرم دلالي
  
  
• اذا صبيت له فنجال عفو ونوخ اركابك
  
  
• من الليله باسمي غلطتك عنقودي الحالي
  
  
• الامني قطفته بالسماح انتثرت اطيابك
  
  
• حبست العقلواطلقت العنان لمهرة اهبالي
  
  
• وقريت ان الخطا عين الصواب بصفحة كتابتك
  
  
• وش القمرا سوى غلطة ظلام ولاني مغالي
  
  
• وش الظلما سوىغلطة سما بتقلد هدابك
  
  
• يساورني يقين ان المطر غلطة هوا عالي
  
  
• حسب نفسه يصالح غيمتين وبلل ثيابك
  
  
• فديتك لاتعذر والذي سواك واهدالي عيونك
  
  
• مالقيت الطف بهالدنيا من اعتابك
  
  
• جزاك الله خير وبيض الله وجه عذالي
  
  
• متى ماجيت ابنسى سيرتك قالوا لي احبابك
  
  
• وانا لقالوا احبابك عجزت اسمع وش التالي
  
  
• خذيت الكلمة اللي تشتهيك وضعت باسبابك
  
  

• قصيده الصورة
  
  
• قصيده الطنايا
  
  
• قصيده العلقم الترياق
  
  
• قصيده الكرز
  
  
• قصيده ذنب ومغفرة
  
  
• قصيده عبث
  
  
• قصيده عصفورتين و شمس
  
  
• قصيده فتنة الحفل
  
  
• قصيده قصيدتي
  
  

• قصيده كيمياء الغي
  
  
• قصيده لعب عيال
  
  
• قصيده لولاي انا
  
  
• قصيده ما يعتذر كود غلطان
  
  
• قصيده مدد
  
  
• قصيده مريم
  
  
• قصيده معدن "غالية البقمية"