قصائدعبدالرحمن بن مساعد

المباديء
عبدالرحمن بن مساعد

• بدء ذي بادىء ..
  
  
• هذا تعريف المبادىء ..
  
  
• كل وقت .. وله أذان ..
  
  
• الزمان .. غير الزمان ..
  
  
• ياكلام الليل .. يمحيك النهار ..
  
  
• باختصار ..
  
  
• المبادىء .. شىء تحكمه الظروف ..
  
  
• مثل طفل .. ترتبك في الحروف ..
  
  
• ما اجمل أغلاطة ..
  
  
• المبادىء .. للأسف ..
  
  
• كلمة مطاطة ..
  
  
• بدء ذي بادىء ..
  
  
• يا بايع إحساسك ..
  
  
• وش احساسك ..
  
  
• وأفكارك لغيرك ..
  
  
• ياشاري إحساسك ..
  
  
• وش احساسك ..
  
  
• واحساسك لغيرك ..
  
  
• ليتك توصف متعتك ..
  
  
• لاخذت من غيرك مشاعر ..
  
  
• تدري لو تقدر ترى ..
  
  
• ماهو بعيد تصير شاعر ..
  
  
• كيف الخلاص .. من ناس تغتال الشعر ..
  
  
• و حد القصاص في كل سرقة ..البتر
  
  
• الا الفكر ..
  
  
• بدىء ذي بادىء ..
  
  
• هذا تعريف المبادىء ..
  
  
• يا بايع أموالك .. لفقرك ..
  
  
• وللعذاب اللي في بيتك .. ودمعة عيالك ..
  
  
• ليت توصف متعتك ..
  
  
• ليت أوصف ضيقتك ..
  
  
• لو جرى لك ..
  
  
• في القمار .. اللي جرالك ..
  
  
• ليت نعرف ..
  
  
• متعتك أو ضيقتك ..
  
  
• أيهم اللي بقالك ؟
  
  
• يا بايع أعصابك .. لخمرك ..
  
  
• ياكثر ماحرت بامرك ..
  
  
• يابايع الصحة .. لخمرك ..أو سمومك ..
  
  
• وش يفيد أني ألومك ..
  
  
• كيف تلقى متعتك .. لا ضاع عقلك !
  
  
• وبان بين الناس ذلك
  
  
• وكيف تسعد في شعورك ..
  
  
• وانت خارج عن شعورك ..
  
  
• يا بايع اعصابك و وعيك ..
  
  
• ياللي تهرب في عذابك ..
  
  
• من عذابك ..
  
  
• لو بغيت في يوم ..
  
  
• تهرب من هروبك ..
  
  
• وش هو احساسك ؟
  
  
• بدء ذي بادىء ..
  
  
• هذا تعريف المبادىء ..
  
  
• يابايع بلادك .. بكم كان الثمن ؟!
  
  
• يا بايع بلادك ..
  
  
• انسى المباني .. والبيوت .. والحب الأول
  
  
• انسى غبار المدرسة .. و وجوه اصحابك ..
  
  
• انسى فؤادك .. وميلادك ..
  
  
• وارمي ورا ظهرك ..
  
  
• كل العبارات الكبيرة ..
  
  
• عن الوفا .. والتضحية ..
  
  
• وعن حب الوطن ..
  
  
• يا بايع بلادك ..
  
  
• لو كبروا أولادك ..
  
  
• وكان السؤال في عيونهم ..
  
  
• سجنك وجلادك .. !
  
  
• " احنا يابوي من وين ؟! "
  
  
• وش هو احساسك ؟!
  
  
• يابايع آخرتك .. يالعاصي القاسي ..
  
  
• اسمع نصايح صاحبك " ابليس " :
  
  
• " لا تترك التدليس ..
  
  
• اظلم ولا تفكر في باكر ..
  
  
• هيم في العصيان جاهر ..
  
  
• واختار من بين الذنوب ..
  
  
• مايسعدك ..
  
  
• ولاسار عمرك للغروب ..
  
  
• لاتتوب ..
  
  
• لا تحسب للعمر ..
  
  
• ولا تفكر بالقبر ..
  
  
• ولا العذاب ..
  
  
• توك شباب .. "
  
  
• هذي نصايح صاحيك ابليس ..
  
  
• يابايع آخرتك بدنياك ..
  
  
• لا عدمناك ..
  
  
• لو عدمناك ..
  
  
• وش هو إحساسك ؟
  
  

• قصيده أخطيت
  
  
• قصيده إسأل الأعمى ..!
  
  
• قصيده اجهلك
  
  
• قصيده اسألوا دمي
  
  
• قصيده البرواز
  
  
• قصيده الحرامي
  
  
• قصيده الشاعر الأول
  
  
• قصيده العادة جرت
  
  

• قصيده المباديء
  
  
• قصيده المسّمى
  
  
• قصيده بهو فندق
  
  
• قصيده تحضنه
  
  
• قصيده تعاريف
  
  
• قصيده تعبت
  
  
• قصيده جميل ... محبط ..!
  
  

• قصيده ذبابة