قصائدطلال الرشيد

لا تلمس الجرح
طلال الرشيد

• لا تلمس الجرح يا معود وصبح عزوم
  
  
• البرد فتق ضلوعي وانت دوار صيت
  
  
• ضيعت عمري اطاول في حزومي رجوم
  
  
• وايست اباقول كل الشعر في شطر بيت
  
  
• لا الوقت وقتي ولا حلومي تطيع وتنوم
  
  
• ولا الركايب وحادي العيس ترضيه ليت
  
  
• ذهايب الذود راحت مع ذواهيب قوم
  
  
• لا صار لك الف قوماني فلك الف بيت
  
  
• ترى اصعب الموت موت يذبحك كل يوم
  
  
• واصعب حياتك تعيش وانت جواك ميت
  
  
• اواه يا طول عمري لا حسبت الهموم
  
  
• يا كني اكبر من الدنيا ولا قد شكيت
  
  
• علمك دهاني يا لاقي خير خل العلوم
  
  
• اسرجت صفرا من همومي عليها حديت
  
  
• واطلقت للبيد راحلتي وفوق النجوم
  
  
• راسي وانا كل راسي تيه فخر و هميت
  
  
• واقول للي يبي كرامتي لا تهوم
  
  
• لا انته ولا الف مثلك يهدم اللي بنيت
  
  

• قصيده آخر الحب
  
  
• قصيده بعض احوال
  
  
• قصيده تنهيدتين ونار
  
  
• قصيده عيون الحب
  
  

• قصيده فرقاك
  
  
• قصيده لا تلمس الجرح
  
  
• قصيده ما قلت احبك
  
  

• قصيده يا طاهرة