قصائدالحميدي الثقفي

الصايع ..!!
الحميدي الثقفي

• ضاق صدره ..
  
  
• حس حتى البيت اللي .. انو لد به ..
  
  
• صار قبره .
  
  
• لملم انفاسه .. وبعض اوراق كراسه
  
  
• شرب باقي بقايا الشاهي البارد بكاسه ..
  
  
• وخرج ..
  
  
• وقف على الدرج ..
  
  
• ولع سيجاره ..
  
  
• استرق نظره على شباك غرفة جارته ..
  
  
• شاف جاره .. وانحرج ..
  
  
• أرخى راسه .. صار نصف انسان ..
  
  
• ربع انسان ..
  
  
• ماباقي من الإنسان فيه الا لباسه ..
  
  
• كان في حالة ندم ..
  
  
• لو طعنته وقتها ماسال منه .. نقطه دم ..
  
  
• 
  
  
• 
  
  
• والله ياديما ..
  
  
• مااسامح اسلافي ..
  
  
• أخذوا الأيادي ..ما ..
  
  
• خلوا سوى اكتافي ..
  
  
• أمشي كما الأعمى ..
  
  
• قدامي خلافي ..
  
  
• والنور والظلما ..
  
  
• حملٍ على اكتافي ..
  
  
• واغض طرفي إن بدت لي جارتي ..
  
  
• حتى يواري جارتي ماواها
  
  
• 
  
  
• 
  
  
• على خيال الما ..
  
  
• هذا الحجر طافي ..
  
  
• كل النسا : سلمى
  
  
• وكل الرجال : وافي
  
  
• لاصارت الأسمى ..
  
  
• تلمس وتنشافي ..
  
  
• ..
  
  
• وامتطى سيارته ..
  
  
• سار في كل اتجاهات المدينة ..
  
  
• لف ابو كل الشوارع
  
  
• مره نازل .. مره طالع
  
  
• مرن نازل ... مره طالع ..
  
  
• قل : يدور شلته
  
  
• قل : يفكر في عذر للجار إذا علم ابوه بزلته
  
  
• قل : يبي كفتيريا جايع ..
  
  
• يبي يشرب وياكل
  
  
• قل : يدور عن حلول
  
  
• او عن مشاكل ..
  
  
• قل : يسوي مايسويه المراهق ..
  
  
• إنحرافات وخرافات ..
  
  
• وسخافات .. ومهازل ..
  
  
• قل : يغازل ..
  
  
• 
  
  
• 
  
  
• البحر ..
  
  
• ويش البحر..؟
  
  
• لولا رمال الشط ، والأطفال ، واليامال..
  
  
• والمرجان والأصداف والما.. والسفينه
  
  
• والمسا ..
  
  
• ويش المسا..؟
  
  
• لولا دفا لون الستاير من شبابيك المنازل ، والنسا ..
  
  
• وخشوع جمر الليل في احظان المباخر ..
  
  
• انت شايف ضحكة الموجه على صدر البحر تختال ؟
  
  
• شايف ضحكة الما .. كم حزينه في نوافير المدينه ؟
  
  
• شايف الفرق الكبير الشاسع الواسع
  
  
• شايف كم هي الأشيا تكون أجمل كثير بدون آخر ...
  
  
• 
  
  
• 
  
  
• في اليمين من التقاطع
  
  
• اعترض له نور احمر
  
  
• نور ساطع
  
  
• صاح به : اوقف
  
  
• وكان الصوت حازم حزم قاطع
  
  
• خفف السرعه .
  
  
• رخى صوت المسجل
  
  
• ارتجف .
  
  
• صاح نفس الصوت وبقوة صراخ : أوقف
  
  
• وقف ..
  
  
• واستعاذ بطيبته من شر حراص النوايا
  
  
• وين رايح ..؟؟
  
  
• أو إذا ماكنت رايح قلنا من وين راجع
  
  
• ماأنا .. ما ...
  
  
• ما أنت ماعندك ادب
  
  
• إنت تربية شوارع
  
  
• إنت شكلك واحد مسوي سوايا
  
  
• هات إثبات الهوية
  
  
• حاضر وماعندي مانع
  
  
• ها هـ هذي هية :
  
  
• الإسم : راضي سويكت
  
  
• المؤهل : جامعي
  
  
• المهنة : صايع
  
  

• قصيده "الخامسة والثلاثين "
  
  
• قصيده أسئلة للبياض
  
  
• قصيده اروى
  
  
• قصيده افتراض
  
  
• قصيده الدخول إلى الخارج
  
  
• قصيده السحاب أحمر
  
  
• قصيده الصايع ..!!
  
  
• قصيده المسافة
  
  

• قصيده بوح
  
  
• قصيده جمرة الماء
  
  
• قصيده جنون العاصفة
  
  
• قصيده جواب
  
  
• قصيده حبر الكتابة
  
  
• قصيده حبيبي
  
  
• قصيده حلم
  
  

• قصيده حيرة