ولهان لك باموت والله ولهان
ولهان لك موت.. ماتدرين
قلبي ظميان.. ماتحسين
كل أمانيه.. تردين
حققـيهــا له
يا أغلى من الكون.. باللي فيه
غير حبك.. ما أبيه
عاشقك ذاب.. حسي فيه
وارحمــي حاله
مشتاق لك وأحلم باللقى ولحظاته
ردي على قلبي ردي له ضحكاته
مافي سواك أنت ساكن وسط باله
ردي لي مليت.. الانتظار
قلبي والله.. على نار
لاتخلين القرار.. يهدم آماله
وشلون ابرتاح.. من عناي
دامك أنت.. مو معاي
في غيابك.. يا هواي
حالتـــي حاله
مشتاقلك ما اقدر عن وجودك استغنى
يا راحتي ردي خليني أتهنى
خلك من الفرقا يكفيه ما ناله
قولي لي لوين.. هالغياب
لمتى نعيش.. في عذاب
قلبي محتاج للجواب
عالـــــذي قاله
لاتحرميني.. من لقاك
لاتزيدين.. في جفاك
قلبي مسكين.. من وراك
كافــــي ما جاله