الأدب العربى >> الشعر >> العصر الحديث و المعاصر >> معز عمر بخيت >> لمحة من وعد الحقيقة >>
قصائدمعز عمر بخيت
- طول المسافات البعيدة
- وفرحة الليل بالقمر
- في لحظة تتفجر قصيدة
- ويطلع الإحساس بحر
- نور الشمس في مقلتيك
- نايم مع الريد في خدر
- حتى النهار الصاحي بيك
- لا ضوى بعدك لا حضر
- والنيل سكب ليك دمعتين
- من تيهو دفق وانهمر
- موج في الضلوع
- شلال دموع خاطرو انكسر
- أجج طريق الشوق شموع
- فتح المدارات ليك ممر
- وإحساس رهيف
- يلهب رحيق دنك مطر
- يترجى في الأيام تقيف
- ويخاف من اللحظات تمر
- ما الوهلة في الحس الشفيف
- في غمضة تتمدد عمر
- مكتوب على الحاضر خريف
- ونزيف بفتش عن جزر
- يا همسة الوطن العفيف
- يا لمسة الوعد الأغر
- سفر الكلام الفي العيون
- حاضن في أنفاسو الزهر
- يتهادى في ليل الشجون
- شايل صبابات السهر
- خصلات نضارك ما بتغيب
- وربيع حريرك بان ظهر
- كل الزمان بيك بستريح
- والدنيا إحساس مزدهر
- أحزاني جنبك صوتها راح
- والحلم في وجودك عبر
- لي لحظة ما بتعرف نواح
- لى نجمة في وقت السحر
- كان ملتقانا الفي الخيال
- لمحة حقيقة وكان قدر
- وكان الهوى الزاهي وحنين
- رحلة أمان لي كل بر
- ليك يا حبيب وهج السنين
- عشق المسافات والسفر
- أشواقها من حسنك تبين
- وأحلامها في صحوك خطر..
المزيد...
العصور الأدبيه