الأدب العربى >> الشعر >> العصر الحديث و المعاصر >> سيد أحمد الحردلو >> مسافرة خلاس >>
قصائدسيد أحمد الحردلو
- -1
- مسافره خلاسْ !
- ونحنَ الدوبنا
- يا دوبْ جينا
- شايلينْ فى العُيونْ أمطارْ
- وجايينْ
- من ليالى الشوقْ
- ودايرِنكْ تكونى نهارْ
- وجيناكْ
- قُلنا نبقى سَوا
- ونكون للحبْ أهلْ وديارْ
- وجيناكْ
- شانْ تكونْ ريدتنا
- للعُشَاقْ وطنْ ومزارْ
- عشَانْ الدنيا
- تبقى حديقه
- من أطفالْ .. ومنْ أطيارْ
- تقومى تسافرى !
- شِنْ يَبْقَالنَا
- مِنْ بَعْدِكْ
- وشِنْ يَبْقَالنَا من أشعارْ !
- -2-
- مسافره خلاسْ !
- ولكينْ كيفْ
- مُنو البِكرِمْ
- مَعَايا الضيفْ
- مُنو البِرْكِزْ
- معاىْ فى الحاره
- فوق القيفْ
- مُنو البتحدى فى تَالاَيا
- بردَ الليلْ
- وحرَ الصيفْ
- مُنو السَّوانى
- أبقى جميلْ
- بَعَدْ ما كتَ زىَّ الطيفْ
- بحبِكْ
- أيوه يا حليوه
- لأنكْ لىْ دُعاشْ وخريفْ
- لأنكْ
- لىْ وَطنْ جايى
- من التاريخْ ... بحدَّ السيفْ
المزيد...
العصور الأدبيه