الأدب العربى >> الشعر >> العصر الحديث و المعاصر >> بدر بن عبدالمحسن >> دروبي رمل >>
قصائدبدر بن عبدالمحسن
- في دروبي رمل لامن جيت ساري
- ينبت الأشواك لامن رحت ساري
- صاحبي ماجيتك إلا وفي طريقي
- من ربيع العام نوّار وخباري
- ولا تواعدنا وبه في الأرض زهره
- ولا تفارقنا وبه للبرق طاري
- لا تأخر دام لي في العمر ساعه
- ولا تقدم لين أشوفك في انتظاري
- الزمن ورده .. سهرت أحسب ورقها
- وإن قضا ماجيت في دموعي عواري
- حبّني كثر اللذي نلقى بوعدنا
- من ظلال وريح ونجوم وغداري
- صاحبي مثل الخجل لو تكتسي بي
- قبل أصير الشال يذهلني انحساري
- ياقريب البعد .. للشكوى أسامي
- الجفا .. والخوف .. وآخرها حذاري
- وانت لو خان الزمن بقول وافي
- لا أنا تركي .. ولا أظنك مشاري
المزيد...
العصور الأدبيه