قصائدمساعد الرشيدي

الطريق المظلم المهجور
مساعد الرشيدي

• تخوفني مشاوير الطريق المظلم المهجور
  
  
• واليامني ذكرتك قلت طولي يامشاويري
  
  
• عزاي انك رجاي العذب لو كل الدروب عثور
  
  
• وصلت اوماوصلت اعرفك ما انته منتظر غيري
  
  
• حبيبي ..وكل الله لاتحسب إني بليد شعور
  
  
• لو انت المستحيل الصعب .. ماابدي لك معاذيري
  
  
• احبك ..رغم تجريح الليال لقلبي المقهور
  
  
• اشوف الجرح يكبر وانت تكبر وسط تفكيري
  
  
• احبك .. لو يموت الحب وتصير القلوب قبور
  
  
• احبك كلمة لو حرموها .. حل تفكيري
  
  
• احبك من هنا حتى طلوع الفجر ..حد النور
  
  
• صحيح انك قدر محتوم بس اجمل مقاديري
  
  
• بعذر اللي يحبك لو يصير الشاعر المشهور
  
  
• لأنك تنهمر حلو القصيده في تعابيري
  
  
• احد ربي يحطك له حبيب ..ومايجيه غرور ؟
  
  
• وانا مهما بغيت استوعبك ياقل تقديري
  
  
• هلا بك من قدمك ... لغرتك لي شعرك المنثور
  
  
• هلا في كل شيٍ فيك وانت اغلي مساييري
  
  
• أثر صدق الغلا يجبر حطام الخاطر المكسور
  
  
• وانا مهما منحتك من غلاي اشعر بتقصيري
  
  
• ولو طالت مشاوير الطريق المظلم المهجور
  
  
• انا لامن ذكرتك قلت..احبك يامشاويري
  
  

• قصيده الحب الجديد
  
  
• قصيده الطريق المظلم المهجور
  
  
• قصيده العنود
  
  
• قصيده الليالي تموت ببردها
  
  
• قصيده تبدين مثل المستحيل
  
  
• قصيده حمرة الشمس
  
  
• قصيده رماد الشوق
  
  
• قصيده سمّها
  
  

• قصيده سيف العشق
  
  
• قصيده صب لي شمس
  
  
• قصيده طنايا عبس
  
  
• قصيده عزة النفس
  
  
• قصيده عين تشربك شوف
  
  
• قصيده كثر الكلام
  
  
• قصيده كلك غلا ..!
  
  

• قصيده مرابع الصبا